Gnonian poponon co saiyang historia
Magna agui-agui poon paca cua
Sagcod na ibogtac maogmang corona
Sasaiyang payo digdi sa provincial.

Sa ciudad nin Paris na sacop can Francia
Iguang sarong Aqui na si Simon Vela
An Ama si Rolan an Ina Barbara
Anas na maboot marhay na familia.

Tara ining aqui na acong sinabi
Na mondag sa Paris can fetcha catorse
Can 1384 bulan na Septiembre
Simon igninaran huli ta lalaqui.

Sabihon pa baga magna cabootan
Can aquing lalaqui na si Simon an gnaran
Ma-hoyo an boot iguang cabanalan
Magalang sa Dios asin sa magurang.

Huling carong aqui na mabooton
Gusto cota ninda na papag manahon
Can saindang yaman gnaning cun mag agom
Si familia nia iguang imanutencion.